愿意同你露营度蜜月的女人,一定娶得过!

来源  :   Q生活帮     2020-07-10 11:23:05

2020-07-10

旅行度蜜月,一世人一次喎,老婆实係话要求豪一次去欧洲、马代住靓酒店,再唔係,退而求其次最起码都近近哋去日本温泉或者苏梅resort做皇帝皇后啦。不过最近听到我的摄影师朋友Francis So话,刚刚带咗老婆去瑞士 露营 度蜜月……

结婚同行山一样,都係呃呃凼凼、互相迁就。

听到老友带老婆去 瑞士露营 度蜜月,我当堂吓一跳,然后得啖笑。我都係行多两步就会攰嘅一名港女,深明女人出门有几咁多嘢要準备,出街热啲要用芭蕉扇,入冷气房见冻又要披肩,老友你居然够胆死叫老婆Angel同你揹住十几公斤的背嚢行山露营,仲要畀晒啲位你摆摄影器材?!

虽然瑞士绝景好靓好靓,但行足咁多日,拎住行李上山落山,咩仙景都睇厌啦,唔怕行行下闹大交咩?点知平日Cool 爆的老友突然露出搏打的甜笑,「可以遇到个一齐癫的女人,愿意一齐分担旅途上的重量,一定要好好珍惜。佢一定娶得过!」

愿意同你露营度蜜月的女人,一定娶得过!
Francis So 以星空及日出缩时拍摄短片成名,曾推出摄影集《我所看见的美丽香港》。
愿意同你露营度蜜月的女人,一定娶得过!
被靓爆星空包围入睡,老婆大人应该收货。
去过一次瑞士是会上瘾的,成日心思思想再出发。

我老友Francis亦不例外,同老婆倾蜜月行程的时候,胆粗粗提出:「不如去瑞士啦,上次我影唔到金三角,好失望,蜜月野营影日出……得唔得啊?」原本以为要花好多口水,点知老婆二话不说就答应。

虽则口爽爽,但是考虑到在接近3千米山上野营温差大,一到夜晚又大风又乾燥;对港女来讲,沖凉又是另一个大问题;最恶顶的是每人揹住十几公斤上山,拖喼拖死,孭背囊孭死,女友脾气差少少都随时触及临界点,小则黑面大则闹交,最惊爆句:「最多咪离婚!」

愿意同你露营度蜜月的女人,一定娶得过!
朝早起身营外看见雪山,攰少少都抵啦!
愿意同你露营度蜜月的女人,一定娶得过!
揹住成身装备,仲唔介意等埋老公捕一张靓相,阿嫂真係好唔话得。
打牌行山见真章。

为咗令老婆留下浪漫回忆,同时兼满足自己拍摄私心,死佬Francis 怯住咁準备今次另类蜜月旅行,拣最简单又睇到最靓风景的行山路径同野营地点,最后决定在五湖健行径、巴哈阿尔普湖(Bachalpsee)落脚,每日步行不超过个半钟,沿途可以睇住靓爆雪山同湖景。不过女人仔拎住咁重装备,又点会无怨言?

阿嫂Angel 不时忍唔住问:「到未啊?」、「仲有几耐呀?」呢个时候,做老公就要醒目,绝对唔可以太诚实:「见到啦,嗰度就係!」、「好快到!」(其实仲有好远)。去个旅行,全程要睇实老婆大人面色做人, 老友话其实苦中有甜。佢自己咪一样有灰鸠的时候,Angel 反而调转头鼓励返老公:「唔紧要啦,唔係好辛苦啫!」常言道:「打牌行山见真章。」最攰的时候最难掩真性情、坏脾气,搵到个咁体贴嘅老婆,老友你真係几生修到啦!

愿意同你露营度蜜月的女人,一定娶得过!
体力关係行山行程每日不超过3小时,行下影下相好快过。
愿意同你露营度蜜月的女人,一定娶得过!
最爱在湖畔野营,以湖心做构图影相靓好多。
每个摄影师背后,都有个耐性十足的女人。

或者你会话,见到以上的靓景,用肉眼睇都已经好明信片一样靓,极爱打卡的港女实兴奋到晕,再辛苦都唔紧要啦。少年你太年轻了,遇着摄影发烧友如Francis,见到靓景必定大师上身,影极都唔满意试完又试,仲要影time lapse 实有排影,兼夹阿嫂Angel 係激罕有、唔太锺意影相嘅港女,可以点做?

Francis 又借啲意盛讚老婆係个超有耐性嘅贤妻,当佢一路行下影下又拍下time lapse,阿嫂从无埋怨,安坐一边做望夫石,有时反而仲帮个衰公影劲chok 嘅行山相;Francis 都识做,等老婆瞓咗先慢慢影星轨、日出,行山行到每日瞓得唔够6个钟,佢都自觉疯狂,但阿嫂更加唔话得啰!

睇返Francis 呢辑蜜月旅行相,我发觉佢两个嘅合照无乜几多张,反而明信片一样嘅靓相就大把,畀外家知道咁样虐待刚嫁出去嘅女唔怕咩?跟团或者住resort 歎下咪仲舒服?Francis 忽然情圣上身抛低一句:「可以同老婆一齐在绝景下留倩影,老咗一定唔会后悔。」计我话:

有个能互相支持、互相迁就跟你行山野营嘅老婆,老友,你执到啦!愿意同你露营度蜜月的女人,一定娶得过!
逼完老婆做模特儿,仲要佢兼做埋摄影师,set好脚架、相机,老婆就负责按快门,帮自己影返张到此一游相。
愿意同你露营度蜜月的女人,一定娶得过!
有个摄影狂热的老公,背后又怎可以没有一个耐性爆棚的老婆呢!
男士们,学嘢啦!

话说回头,Angel 同Francis 嘅Honeymoon 又点只野营嘅3日,佢哋花咗20日游览维也纳同瑞士,在瑞士分别Zermatt 和Grindelwald 共野营了3天,行程唔太chur,中间仲有住靓酒店同玩阿尔卑斯山滑梯等等游客嘢,凼下老婆无得投诉啦!

瑞士露营蜜月路线

DAY1 由小镇Zermatt乘火车至Rotenboden,再行20分钟至Riffelsee湖野营

DAY2 健行1.5小时至Riffelberg乘火车站回Zermatt补给,再坐缆车上Blauherd步行25分钟至Stellisee湖野营

DAY3 (相隔4日)由小镇Grindelwald乘登山缆车至First,沿Eiger Ultra Trail健行约1个半小时至Bachalpsee湖野营

留意:

瑞士7至9月的天气最适合野营; 瑞士并无法例禁止野营,不过部分地方如国家公园、野生动物保护区、森林、河谷等除外,所以出发前记住check清楚。

愿意同你露营度蜜月的女人,一定娶得过!
连续野营咗两晚,特登入住4千蚊一晚的山 顶靓酒店3100 Kulmhotel甜蜜一下。
愿意同你露营度蜜月的女人,一定娶得过!
在皮拉图斯两人也有一试世界最长的阿尔卑斯滑梯,仲要二人同瀡劲癡缠。
愿意同你露营度蜜月的女人,一定娶得过!
Riffelsee湖野营最大目的当然看马特洪峰的日出,一圆Francis影金三角嘅心愿。

愿意同你露营度蜜月的女人,一定娶得过!

相关推荐

家暴被害人中长期庇护安置服务 中市「丽达家园」启用

家暴被害人中长期庇护安置服务 中市「丽达家园」启用

为保护受暴民众,台中市家庭暴力及性侵害防治中心与台中市慈善撒玛黎雅妇女关怀协会合作创办「台中市家暴被
家暴险送命也不能离 菲妇女盼离婚合法化

家暴险送命也不能离 菲妇女盼离婚合法化

以信奉天主教为主的菲律宾是除梵蒂冈外,另一没有离婚法的国家,即使遭家暴险送命的妇女也难以离婚,而困在
家有2一10岁孩子的请赶紧保存,注意力训练,超有用!

家有2一10岁孩子的请赶紧保存,注意力训练,超有用!

 1.1. 第一关听课不走神题 训练目的:训练学生学习能力,能使学生上课专心听讲,认真写作业,考试不